ដំណើរកម្សាន្តរបស់ក្រុមគ្រួសារសិស្សនៅ B១០

ទៅកាន់ខេត្តក្រចេះ ឡាវ និងខេត្តរតនៈគីរី

កាលពីថ្ងៃទី១១ ដល់ថ្ងៃទី១៤ ខែកុម្ភៈ ឆ្នាំ២០១៣ ក្រុមការងាររបស់ក្រុមហ៊ុន ប៊ែលធី ទេសចរណ៍ បានដឹកនាំក្រុមគ្រួសារសិស្សនៅវិទ្យាស្ថាន ប៊ែលធីអន្តរជាតិ សាខាទី១០ (B១០) ចំនួន២៤នាក់ ក្នុងនោះមានក្មេងចំនួន៤នាក់ ទៅកម្សាន្តនៅខេត្តក្រចេះ ព្រំដែនប្រទេសឡាវ និងខេត្តរតនៈគីរី រយៈពេល៤ថ្ងៃ ៣យប់។ ការធ្វើដំណើរកម្សាន្តនេះបានចូលទៅទស្សនា នូវតំបន់រមណីយដ្ឋានប្រវត្តិសាស្រ្តមួយចំនួនដូចជា៖ រមណីយដ្ឋានប្រវត្តិសាស្រ្តភ្នំសំបុក អន្លុងផ្សោត រមណីយដ្ឋានព្រែកកំាពី រមណីយដ្ឋានប្រវត្តិសាស្រ្តព្រះវិហារវត្តសសរ១០០ ទឹកជ្រោះល្បាក់ខោល រមណីយដ្ឋានបឹងយក្សឡោម ភូមិណងលិ និងទឹកជ្រោះអូសែនឡែ ឬទឹកធ្លាក់៧ជាន់។
នៅថ្ងៃទី១៤ ដំណើរកម្សាន្តនេះ បានវិលត្រឡប់មកកាន់រាជធានីភ្នំពេញវិញប្រកបដោយសុវត្តិភាព និងភាពសប្បាយរីករាយដែលមិនអាចបំភេ្លចបាន។